سَلام دافي من قلبي لقلبِك

سَلام ... من قلبي لقلبِك

من أصغر واحدة لأكبر ست، من أحن قلب لأقوى روح — شكرًا ليكِ
آه، إنتِ اللي بتقري الكلام ده دلوقتي — شكرًا بجد.

أنا مش جاية أتكلم عن تجاربي في الحياة ولا أستعرض العلم اللي ربنا رزقني بيه
البوست ده علشان أرجّعني لأصلي، وأقرب منّك، وأسألك بكل حب وصدق
عاملة إيه؟ بجد؟

الكام شهر اللي فاتوا كانوا تقال عليّا
الحياة خدتني في رحلة من الإستكشاف، ويمكن زيّك، عديت بعواصف وأنا ساكتة
بس دلوقتي، الحمد لله، حاسة إني راجعة لتوازني
بفكر نفسي أنا مين، وبرجع شوية شوية للحاجات اللي بحبها وبتخليني أتنفس بعمق

ومن اللحظة دي — من الهدوء اللي أنا حاسة بيه — حابة أقولك
إنتِ مش لوحدِك

الوجع، الخوف، الكتمة اللي محدش واخد باله منها — أنا حاسّة بيكي
سامعاكي، وبحبك بصدق

ما تفتكريش إنك دخلتي هنا صدفة
ناس كتير شافت اللينك ده وما فتحتوش... لكن إنتِ فتحتيه

في حاجة هنا ليكي. يمكن رسالة، يمكن تذكير بسيط إنك تستاهلي الراحة، والنور، والحب

النهاردة، لو سمحتي، متشديش على نفسك
اعملي حاجة واحدة بتحبيها
ولّعي شمعة، واقعدي مع نفسك شوية
احتفلي بوجودك
علشان وجودِك مهم، وصوتِك مسموع، ونفسك غالية

أنا النهاردة قررت أزور مكان جديد اسمه "صيدلية الشعر".
كنت مأجلة الحاجات الصغيرة اللي بتغذي النفس وترفه عنها، والوقت جه أرجع للفنانة اللي جوايا

وإنتِ كمان فنانة، حتى لو لسه مش شايفة ده
يمكن فنك في حنية كلامِك، في ضحكتك، في طبخة، أو حضن بيطفي وجع
يمكن في قوتك، أو في هدوؤك اللي بيريّح اللي حواليكي

إنتِ هيكل للإبداع
الأفكار والمشاعر جواكي زي البذور
وكل مرة تحبي نفسك فيها، دي نقطة ميّه بتسقيهم
ومع الوقت والصبر والرحمة، البذور دي بتكبر وييجي اليوم اللي تبصي فيه حواليك
وتلاقي شجر مليان فاكهة وبيه تقدري تعملي
مربّى، عصير، كيك، وصفات تجميل، شاي بطعم الفواكه —
وحياتك تِحلّى مش بس بالسكر، لكن بالطاقة الحب اللي جواكي

فأيًا كان المكان اللي إنتِ فيه دلوقتي —
وسط الزحمة أو وسط الهدوء
خدي نفس عميق...
حطي إيدِك على قلبِك...
إنتِ أقوى من ما إنتي متخيلة
وأنا ممتنة إنك هنا

بدعيلك من قلبي بالسلام والراحة
ما كنتش جاية غير أقولك
سَلام دافي من قلبي لقلبِك 💛

حفصة رزقي x